طريقة عمل شنطة بالنول .. سهلة وممتعة بالنول المستطيل

اليوم راح نعمل شنطة متعددة الاستعمالات ممكن تكون للالعاب لي عندها بنوتات او صبيان
او لحفظ اغراض الحياكة لي عم نشتغل فيهم حاليا وطبعا ممكن نعمل منها اكتر من وحدة وخاصة اذا كانت اغراضنا كتير وممكن نتفنن بالالوان وبالاحجام

يلا نشوف الشنطة

نقره على هذا الشريط لعرض الصورة بالمقاس الحقيقي

الأدوات المطلوبة:
1- النول الازرق المستطيل (62 مسمار)

2-الخيوط من الخيط الازرق السادة بكرة والخيط المونس بكرة
اذا كان الخيط سميك نحتاج من 80 الى 100 غرام من كل خيط
اما اذا كان الخيط رفيع نحتاج من 100 الى 170 غرام من كل خيط
3-ابرة النول - ابرة الخياطة

 

 

بسم الله الرحمن الرحيم

يلا نبدا الشنطة كتير سهلة والغرزة كمان سهلة واشتغلناها اكتر من مرة وهي غرزة التويست منلف ومنقلب الغرزة التحتية

الخطوات:

[hide]

1- نلف على 62 مسمار بطريقة E-wrap
بصير عندنا غرزة على كل مسمار
نلف مرة تانية كمان بصيروا غرزتين على كل مسمار
نلف مرة ثالثة هيك بصيروا 3 غرز على كل مسمار
وبما انو انا خيطي رفيع مشان هيك اشتغلت على طاقين

ولاتنسي تلفي على مسامير الزاويا يعني الشغل بيكون دائري

2- نقلب الغرزة التحتية من فوق الغرزتين يعني بيضل عنا غرزتين على كل مسمار

3- نرجع نلف على كل مسمار مرة وحدة فبصير عنا 3 غرز
ونقلب الغرزة التحتية

منستمر هكذا لف مرة وحدة وقلب غرزة وحدة الى 20 سطر

يلا بدي شوف تطبيقاتكم
وبعد ماكمل شغل شوي بكمل الشرح

يلا منكمل

4-نترك مسافة من الخيط الي اشتغلنها ونقص الخيط
ونربط الخيط لي بدنا نكمل فيه الشنطة على المسمار الخارجي

5- نقلب الغرزة التحتية ليضل عنا غزرة وحدة بس
ومنلف الخيط الجديد على كل المسامير

ونقلب الغرزة التحتية

6-نكمل شغل بالخيط الجديد الى ان نوصل للطول المطلوب للشنطة او متل الباترون 12 انش
وهادا لي انا وصلتو له

[/hide]

انا خيطت اسفل الشنطة حتى يبين عليكم الشكل وانتو ممكن تخيطوا الان وممكن باخر الشغل

يلا انا رح كمل شغل وانتو كمان كملو ولاتنسوا التطبيقات

منكمل الشغل

7- بعد ماوصلنا للطول المطلوب للشنطة وانا طولتها كمان اكتر من الباترون حتى صارت بهالشكل

8- نقص الخيط الابيض ونربط الخيط التاني ونلف الخيط مرتين على كل المسامير بصير عنا 3 غرز نقلب غرزة ونترك غرزتين

9-نرجع نلف مرة فبصير عنا 3 غرز ونقلب مرة ونكمل هيك الى شغل 10 اسطر فقط

10-الان سوف نختم الغرز التى على مسامير الزاويا حتى نعمل فتحة ايد الشنطة وبسبب هذا الختم لانستطيع شغل الشنطة على النول الدائري لانه لايوجد مسامير الزاويا هذه
الان نجعل الخيط داخل النول هكذا

نحن لدينا غرزتين على كل مسمار زاوية ننقل الغرزة الاولى ونضعها على المسمار المجاور لها كما في الصورة

وننقل الغرزة التانية الى المسمار الاخر كما في الصورة

  

 

وبهكذا اصبح مسمار الزاوية فارغ
نكرر نفس الخطوات للمسمار الاخر

11-الان اصبح على المسامير التي نقلنا الغرز عليها من مسامير الزاويا 3 غرز لذلك نقلب غرزة حتى يتبقى لدينا غرزتين فقط

واصبحت مسامير الزاويا هكذا

12-الان سوف نشتغل على جانب واحد من النول لانه تم فصل الربط بين الجانبين(مسامير الزاويا)
نشتغل من اليسار الى اليمين يعني نلف الخيط ونقلب الغرز ونرجع بالاتجاه المعاكس من اليمين لليسار وهكذا الى الوصول لشغل 20 سطر

13- نترك مسافة من الخيط ونقصه
14- نربط خيط جديد ونشتغل على الجانب الاخر بنفس الطريقة الى 20 سطر

وهذه فتحة الايد ظهرت لدينا الان

15- الان لانقص الخيط ونكمل شغل على جوانب النول الاثنين يعني نلف ايضا على مسامير الزاويا بحيث نشتغل بشكل دائري متصل الى ان نصل الى عشر اسطر

واعود للمتابعة

عدت من جديد

هذه فتحة الايد ظهرت تمام الان

16- والان وصلنا على الختم سوف نختم متل ماختمنا بالبندانة الصفراء اذا لسا متذكرينها كمايلي

نبدا من مكان الخيط



نحضر ابرة الكروشيه ونخرج اول غرزة



نخرج الغرزة الثانية يصبح لدينا غرزتين على الابرة نسحب الغرزة الاولى على الابرة داخل الغرزة الثانية حتى يصبح لدينا غرزة واحدة ونشد الخيط ثم نلف الخيط على الابرة ونسحبه داخل الغرزة ونشد الخيط جيدا





ونكرر هذه العملية حتى نصل الى اخر المسامير





وهذا شكل السطر المختوم



وهذه فتحة الايد

 

 

 

الان نصل الى الخياطة
1- خياطة اسفل الشنطة ان لم تكوني قد خيطتيها من قبل
2- ثني كمر الشنطة من فوق الى الداخل وخياطته

نقلب الشنطة الى الداخل



سوف نخيط هذه المنطقة عند الابرة



ومن الافضل وضع دبابيس على مكان الخياطة







وهذه بعد الخياطة بس طلعت معي شوي معوجة مابعرف ليش بس يمكن(لانو انا فاشلة بالخياطة) هههههههه بس ماتخبروا حدا



باقي بس ايد الشنطة لذلك نعمل 2 اي كورد بطول 100 سم وهذا الرابط للتذكير بالطريقة

http://www.sarahknit.com/vb/showthread-t_6993.html



وندخله داخل الفتحة





وهذا الشكل النهائي انشالله تنال اعجابكم







بانتظار ابداعاتكم
تقبلوا تحياتي